قيراط حظ ولا فدان شطاره
في دنيا ماشيه تلطش وتحدف بالحجاره
الحظ منفض وناسينا وامتى هيحن علينا
وبنشقى قد ما نشقى ومفيش غير الخساره
الدنيا ساقيه تلف بينا تملي على كيفها تمشينا
إن نسينا الحزن ثانيه بالساعات بتفكرينا
كل يوم حزن وآذيه إمتى نفرح لو شويه
يا عم حظ إعطف عليا انسى مره فى يوم وجينا
ليه معاكس ليه تاعبنا يا عم حظ معاك غلبنا
إنسى مره ودق بابنا دا إحنا م الحزن إستوينا
...
انقسمنا فيكي وإحنا من جروحنا بنتكسر
شوفنا فيكي كتير آسية والضحيه إحنا البشر
كل حاجه بقت رضيه حظنا دايماً شويه
والغريبه لما نضحك نلقى حزنك فينا غيه
الدنيا ساقيه تلف بينا تملي على كيفها تمشينا
إن نسينا الحزن ثانيه بالساعات بتفكرينا
كل يوم حزن وآذيه إمتى نفرح لو شويه
يا عم حظ إعطف عليا انسى مره فى يوم وجينا
ليه معاكس ليه تاعبنا يا عم حظ معاك غلبنا
إنسى مره ودق بابنا دا إحنا م الحزن إستوينا